ياســاتر الله يحمينا

حدث في تاريخي لم أر له مثيلاً ..

رغم أنه مرعب بعض الشيء إلا أنني أحسست بأني قويه ..

ولساني لم ينفك عن قول ” الحمدلله الذي عافاني مما ابتلاهم به وفضلني على كثير ممن خلق تفضيلاً “

 

أما أمي فلم تتمالك نفسها أصبحت دموعها تنساب دون توقف

لم أتوقع أنه سوف يرعبها بهذا الشكل فهي أقوى مني بكثير

لكن بعد سؤالي إتضح لي أنها حزنت لحالهن لذلكـ لم تتمالك نفسها …

 

 

القصه :

كنت معزومه بزواج يوم الخميس طبعا بعيدين عنا حيل وأول مره أحضر لهم مناسبه

لأني تفشلت من خالة العروسه دائماً تعزمني و عمري ماوجبت عندها ..

فقلت فرصه أوسع صدري شوي ..

وهم بعد أأدي الواجب ..

عمري ماتفائلت بعرس إني أنبسط فيه كثره ..

يمكن لأني من زمان ماحضرت أعراس ..

 

المهم الزواج كان فيه مطربتين في النهار وفي الليل < مطربه النهار تخرج من القاعه الساعه 11 الليل والساعه 12 تبدأ مطربه الليل ..

دخلنا حوالي الساعه 10 ونص

 

جات وحده من المعازيم عمرها حوالي 45 أو أكثر شوي كانت ترقص رقص غريب وبنفس الوقت تبكي  …

وشوي الحريم اجتمعوا عليها وغطوها وهي باقي ترقص ..

كان منظرها غريب جداً أتاري مسها ” زار ” الله يحمينا ..

 

كانت تطلب من المطربه الأغاني وترقص عليها لحد ماجلست ولازالت تبكي ..

إستغربت لأني أول مره أشوف هالشيء ..

 

المشكله انها ماهي الحاله الوحيده اللي شفتها ..

بعدها 6 حالات للأسف ..

وإذا وقف الدق طاحوا زي الأموات والعالم يجون يشيلونهم ..

وأول ماتطق يقومون ..

الرقص كان سريع جداً لدرجه إنهم يطردون في النفس ..

بعد ماتخلص يمسكونهم وأي وحده مايمسكونها تهرب منهم ويرحون يلاحقون وراها عشان ماتخرج الشارع وهي بهذا المنظر ..

غير انهم يشيلون منهم كل الإكسوارات إذا كانوا بنات والذهب إذا كانوا كبار ..

 

كانت وحده تقرب لأهل العرس معنا ع الطاولة طلبت منا “مشبك “

وقالت بألحق على أختي أحطه بصدرها عشان الزار مايصيبها ..

بسم الله علينا ..

صرت أناظر فيها وأنا مستغربة حتى مارديت عليها ..

نفسي أعرف السبب بس استحيت أسألها وبنفس الوقت يادوب تروح تلحق أختها ..

 

ياحليل الحريم بعد ماطاح الزار ع الكوشه بطلوا رقص “

جملة استغربت منها حيل لدرجه إني ناظرت في صاحبه المقوله اللي كانت تجلس وراي ..

وودي أقوم أكفخها .. 

طبعاً ماطلعت من القاعه إلا وأنا حالفه هذولي الناس ماعد أحضر لهم أي عرس ..

الله يشفيهم ويجيرنا مما ابتلاهم به …