غيبة 2009

 

كل شيء في حياتنا يتطور ..

وكل سنهـ تطلع شغلات جديدهـ خاصه في  هالعام

سيارات 2009 – أجهزهـ نقال وكمبيوتر 2009  -  أزياء 2009-  حتى الأطباق صارت تتنوع

يعني مافي شي مامر علينا بلحظه تطوريه ..

 

لكن اللي انا مستغربته ان الغيبه صارت 2009

تقولون كيف ؟!

 

مافي احد تقريبا مايعرف حكم الغيبه في الاسلام بصفه عامه ..

أقل شيء كأنك تقدم له طبق ذهبي من حسناتك كهدية له ..

 

صح يحصل لنا يوم وفي أي لحظه سواء غضب اوغيره نتكلم في فلان وفلانه من القهر

او حتى بعض الاحيان سوالف عاديه ..

بعد مانخلص من المجلس نقول كفاره المجلس ..

ونحاول قدر الامكان ندعي للي اغتبناه في ظهر الغيب عشان الله يغفر لنا ويسامحنا..

لأنه راح يكون تربيه للنفس يصير اذا مابغيت ادعي له اقدر امسك لساني ومااتكلم فيه …

 

كنت في مجلس ومعي حوالي 4 او 5 من اقربائي ..

الحاصل دخلت وحده ..وتوها جالسه ..

قالت لها وحده من الحاضرات يافلانه ترانا تكلمنا فيك وانا خبرتك عشان ماتسير غيبه ..

الحرمه ابتسمت ابتسامه عادية<< وقالت ليه وش تكلمتوا عني

ردوا عليها عادي أنتي ماعندك ذوق وانتي كذا وانتي كذا ..

صارت حالتها حالها ..

انقلب وجهها ألوووان

 

أطالع فيهم وأرجع أطالع فيها من القهر مو مصدقتهم ..

وش قلة الحيا ذي ..

طيب الله ستر عليك يوم اغتبتيها .. تبين الله يغفر لك ادعيلها الله لايهينك

مو تفشلينها قدامنا اولا

وثانيا المخلوقه وش بتقول عنك بذمتك ..

 

وربي الكلام حز بخاطري كثير ..!!

طيب المسكينه بذمتكم ماراح تاخذ موقف من هالشيء..

عالم ماادري كيف عايشه ؟!

 

يعني ذي ماتعتبر أكبر من الغيبه أبي أفهم ..

ليه صاروا يفتقدون للأخلاق الكريمه ..

وين حب الخير للناس ؟؟

وين < الكلمه الطيبه صدقه <

والا هالكلام الطيب ماعد هو من مستوى ذا الزمان ..!!!