ياليت كل الخلايق مابهم حساد ..

أبي أسأل عن دنيانا وشلون تصير بدونـ حسد وبدون حقد

بعض الأحيان نشوف الحسد في كل شيء ..

حتى وإن تجردت قلوبهم من الحب أو من الكرهـ ..

 

ليش مانتمنى الخير لكل الناس ..

ليش مانذكر الله في كل شيء نمر عليهـ ..

 

فاطمهـ قلبها طيب ..

كانت تتكلم عادي وبطلاقه لأنها تحبهم ..

ماكانت تتوقع او يجي في بالها ان فيه لها حسدهـ ..

 

تتأثث بيتها وتخبرهم عن كل شيء تشتريهـ

حتى الأسعار يمكن لأنها كانت فرحانهـ وهو في نظرها بيت العمر ..

آخر شيء خبرتهم به ان تكلفه المطبخ بدون الأدوات بالسعر الفلاااني  ..

فقدوها كم يوم ..

 

حسوا انها مشغوله بالنقل لأنها تقريبا خلصت من تأثيت بيتها ..

اتصلوا اكثر من مرهـ ماحد يرد نهائي ..

كلموا بنتها غادهـ .. وليتهم ماكلموها ..

طول المكالمه تبكي ومي قادره تكمل ..

 

فاطمه دخلت بغيبوبه مفاجأه بعد وجع حسته بقلبها صلحوا لها عمليه مستعجله وبعدها ….

والى الآآآن هي في غيبوبه الله وحده بس العالم بحالتها ..

كملت الأربع سنوات واللحين تدخل في السنه  الخامسه وهي بها الحاله …

في المستشفى التخصصي بالرياض

 

بيتها مقفل ..

بنتها وزوجها استأجروا بيت قريب من المستشفى عشان يظلوا قريبين منها ..

 

 

الله يرفع عنك ياام غاده

ويكتب لك الأجر في الدنيا والآخرهـ

ويعوضك المولى بقصر في جنتهـ

 

 

ياليت كل الخلايق مابهم حساد…
وياليت كل المشاعر صادقة بالناس…
كانا لمحبة بحنايا هالبشر تزداد…
وكان الضمير اللي فينا يمتلي باحساس…
ياليت نملك قلوب مابها أحقاد…
وياليت نقدر نسامح غيرنا لو زل…
كان الزمان اللي نحياه ماحوى أذلال…
وكانت حياة الخلايق بالفعل أجمل…
ياليت نملك لسان صاين كل نفس…
وياليت نعمل فعايل طيبه للغير…
كانت نوايا الخلايق ساطعه كالشمس…
وكانت طبايعنا دايم للبشر شي غير…
هذي رسالة وأبيها توصل الاحساس…
وهذي أماني بقلبي صرت أنشدها…
تكفون خلونا نمشي دربها ياناس…
والفرحة نرجي من الله دوم نحصدها…

 

كلمات رائعه للشاعر  نواف آل محمود من شريط ابتسم

http://www.x66x.com/download/88148ef52c35d8f1.ram